Rreth nesh

MISIONI YNË

Misioni i SmartKids është të krijojë një ekosistem edukativ digjital dhe fizik për të inkurajuar dhe mbështetur zhvillimin e një shoqërie digjitale duke përfshirë grupmoshat e vogla në programe edukative sipas metodologjive moderne nga komunitetet globale dhe gjithashtu mbështetja e inovacioneve duke filluar nga periudha e inkubimit deri në hapat e financimit, e më tej, duke mbajtur gjithmonë si objektiv ngushtimin e hendekut midis fëmijëve dhe teknologjisë, duke sjellë vlera të reja në shoqëri dhe duke përgatitur brezin e ri për një shoqëri dhe treg global që bazohet krejtësisht mbi teknologjitë digjitale.

E ardhmja i përket fëmijëve, kështuqë le të sigurohemi që ata të marrin më të mirat e atyre që kemi ndërtuar për ta!

THEMELUESIT & MËSUESIT

E diplomuar në Filozofi Sociale, Kristina i ka përqëndruar studimet dhe eksperiencat e saj në përmirësimin e metodologjive aktuale të mësimdhënies duke sjellë teknologji digjitale si mënyrën e duhur për të qëndruar të përditësuar me ndryshimet e shpejta në evolucionin e tregut global. Talenti i saj është gjetja e metodologjive inovative dhe përshtatja e tyre në mënyra sa më praktike dhe argëtuese për grupmosha të ndryshme të fëmijëve. Ajo gjithmonë përpiqet të ndihmojë fëmijët në vështirësitë që hasin dhe është e aftë të dallojë pikat e tyre të forta.
I diplomuar në Shkencat Kompjuterike, Geiv është një ndër individët më aktivë në Shqipëri si mësues për teknologjitë digjitale dhe si mentor dhe facilitues në komunitetet e programuesve. Me më shumë se 10 vite eksperiencë në fushat e Elektronikës dhe Programimit, talenti i tij është aftësia për të zbuluar, eksperimentuar dhe shpikur teknologji të reja që nuk gjenden aktualisht në vend dhe më pas kalimi i këtij informacioni tek fëmijët e talentuar ose të rriturit që janë të interesuar ndaj tyre.

SHFAQJE NË MEDIA

Na kontaktoni

Jeni gjithmonë të mirëpritur të na telefononi ose shkruani për çdo gjë që doni të dini apo të zbuloni.

sqShqip